• on Airनेपाल खबर
  • Up Nextनेपाली अावाज खबर

ताजा अपडेट

स्थानिय समाचार

n

बिभिन्न अभियाेगका चार जनालाइ जेल चलान

कालिकोट । विभिन्न घटनामा संलग्न रहेको भन्दै अदालतबाट अभियोग लागी फरार रहेका कालिकोटका ४ जनालाई प्रक्राउ गरि कैद तथा जरिमानाका लागि जिल्ला अदालत मार्फत कारागार चलान गरेको जिल्ला प्रहरी कार्यालय कालिकोटले जनाएको छ । जिल्ला प्रहरी कार्यालय कालिकोटमा कार्यरत प्रहरी नायक उपरिक्षक लोकेन्द्र सिंह कार्कीको नेतृत्वमा खटिएको टोलीले जारी मुद्दा लागेका धौलागोह गाविस वडा नं. १ का ६६ बर्षिया खड्के रोकाया, कर्तब्य ज्यान मुद्दा लागेका धौलागोह वडा नं. १ बस्ने बर्ष ६१ का बसन्त सार्की, चारी मुद्दा लागेका मेहलमुडी गाविस वडा नं. ४ का ५६ बर्षे राज बहादुर बमलाई यहि गएको फागुन २८ गते प्रकाउ गरी कैद तथा जरिमानाको लागि कारागार चलान गरिएको जिल्ला प्रहरी कार्यालय कालिकोटले जनाएको छ । यसै गरी लालु गाविस वडा नं. ४ बस्ने बर्ष ४३ का पदमसिंह विष्टलाई जारी मुद्दाको अभियोगमा यहि गएको फागुन २९ गते प्रकाउ गरी कैद तथा जरिमानाका लागि कारागार चलान गरिएको प्रहरी कार्यालयले जनाएको छ ।
 
यि चारै जनालाई जिल्ला अदालतले गरेको फैसला अनुसार कारवाहीका लागि कारागार चलान गरिएको एक सूचना मार्फत प्रहरी कार्यालय कालिकोटले जानकारी दिएको हो । कैद तथा जरिमाना भोग्ने धौलागोहका खड्के रोकायालाई १ दिन ३० घडी कैद, धौलागोहका बसन्त सार्कीलाई ३ महिना कैद र ३ सय रुपैया जरिमाना, मेहलमुडीका राज बहादुर बमलाई ८ दिन कैद ९ हजार ५ सय रुपैया जरिमाना र लालु पदमसिंह विष्टलाई ३ दिन कैद १ सय रुपैया जरिमाना तोकिएको र अभियुक्त चारै जनालाई आजै कारवाहिका लागि कारागार चलान गरिएको प्रहरी कार्यायले जनाएको छ ।