• on Airनेपाल खबर
  • Up Nextनेपाली अावाज खबर

ताजा अपडेट

स्थानिय समाचार

n

जिल्ला सदरमुकाम मान्ममा भइचालो २ केटाकेटीको उद्धार

माघ २ गते कालिकोट/जिल्ला सदरमुकाम मान्मको प्रतिमाचोकमा पहेलो हेलमेट र पहेलो जगेट लगाएको एकहुल प्रहरी उद्धार सामाग्री सहित दौडेर आयो, उक्त टोलीले प्रतिमाचोक नजिकै पश्चिम तर्फ पर्ने राष्ट्रिय बाणिज्य बैकको भत्किएको घरबाट दुईजना घाइते केटाकेटीलाई उद्धार गरेर प्रतिमाचोकमै ल्यायो, बसै स्थानीय वासी के हो ? के भो ? कसरी भयो भन्दै एकपछि अर्को हुदै जम्मा हुन थाले यता रेटक्रस लेखिएको ज्याकेट लगाएका केही ब्यक्तिहरु प्राथमिक उपचार सामाग्री सहित दौडेर घटना स्थल आएर उचार गर्न थाले, प्राथमिक उपचार हुदा नहुदै जिल्ला अस्पतालको एम्बुलेन्स इमरजेन्सी साइरन बजाउदै प्रतिमाचोकमै टुप्लुक्क आइपुग्यो, अनि विरामीलाई तुरुन्तै राखेर एम्बुलेन्स अस्पताल तिर दौडियो, तर स्थानीय भने रुल्ल न टुल्ल, एमुलेन्स अस्पताल तिर लागे लगतै प्रमिमाचोकमा १९ औं भुकम्प सुरक्षा दिवश लेखिएको ब्यानर टासियो, बल्ल पछि पो थाहा भयो यो भुकम्प सुरक्षाबारेको ड्रामा, ।
 
१९ औं भुकम्प सुरक्षा दिवश आज कालिकोटमा पनि विविध कार्यक्रमगरी मनाईएको छ । जिल्ला दैबिक प्रकोप उद्धार समितिका संयोजक एवं प्रमुख जिल्ला अधिकारी कृष्णकुमार खड्काको अध्यक्षता जिल्ला विकास समितिका योजना अधिकृत पविता शाहीको प्रमुख आथित्यतामा आयोजित भुकम्प सुरक्षा दिवशमा भुकम्प सम्बन्धि सडक नाटक, विपद ब्यवस्थापन तथा उद्धार सम्बन्धि ड्रामा, भुकम्प सुरक्षा सम्बन्धी जनचेतनात्क लोकगित प्रस्तुत गरि मनाईएको हो ।
 
जिल्लामा कृयाशिल बिधिन्न सरकारी तथा गैर सरकारी कार्यालयहरुको समन्वय तथा जिल्ला दैबिक उद्धार समितिको आयोजनामा आयोजित सप्ताहब्यापी भुकम्प सुरक्षा दिवश आज एक कार्यक्रम गरी सम्पन्न गरिएको छ । भुकम्प सुरक्षा सम्बन्धि जनचेतनात्मक पमप्लेट वितरण एवं टास, विपद ब्यवस्थापन सम्बन्धि रेडियो सम्बाद, विद्यालय स्तरीय निबन्ध प्रतियोगिता लगायतका विभिन्न गतिविधिहरु संचालन गरी सुरु भएको १९ औं भुकम्प सुरक्षाको सप्ताहब्यापी दिबश आज थप सडक नाटक प्रस्तुत गरी सम्पन्न गरिएको हो । 
 
कुनै जानकारी विनै एक्कासी हुने प्राकृतिक प्रकोपबाट बच्न अपनाउनु पर्ने सतर्कता, बिपद पश्चात मानविय उद्धार बारे सर्बसाधारणलाई जानकारी गराउन भुकम्प सुरक्षा दिवश मनाईएको प्रमुख जिल्ला अधिकारी खड्काले बताउनु भएको छ । भुकम्प सुरक्षा सम्बन्धि सर्बसाधारणलाई जनचेतना जगाउन सप्ताह ब्यापीरुपमा संचालित विभिन्न कार्यक्रममा भाग लिई पैरवी गरेको भन्दै हुरेन्डेक, किर्डाक नेपाल कालिकोट लगायतका संघ संस्थाहरुले विद्यालयका भाईबहिनीहरुलाई पुरस्कृत समेत गरेका छन् ।