• on Airनेपाली अावाज खबर
  • Up Nextसाझा खबर

ताजा अपडेट

राष्ट्रिय समाचार

n

कृषि क्षेत्रको प्रवर्धन लागि प्रधानमन्त्री कृषि आधुनिकीकरण परियोजना सचालन,

माघ ३, कालिकोट/कृषि क्षेत्रलाई आधुनिकिकरण गरी समग्र कृषक समुदायलाई आत्मनिर्भर बनाउन पहिलो पटक कालिकोट जिल्लामा प्रधानमन्त्री कृषि आधुनिकीकरण परियोजना लागु हुने भएको छ । जिल्लामा उत्पादित खाध्यान्न, फलफुल तथा दलहन बालीहरु प्रबर्धन गर्न निश्चित पकेट क्षेत्रनिर्धारण गरी यसको ब्यवस्थापन तथा बजारीकरणका लागि यो परियोजना लागु हुने भएको हो ।
 
नेपाल सरकार कृषि विकास मन्त्रालय द्धारा जिल्ला कृषि विकास कार्यालय मार्फत पहिलो चोटी जिल्लामा तत्काल १० वटा पकेट क्षेत्र तथा एउटा जोन क्षेत्र निर्धारण गरी परियोजना संचालन हुन लागेको जिल्ला कृषि विकास कार्यालयले जनाएको छ । जिल्लामा पहिलो पटक संचालन हुने प्रधानमन्त्री कृषि आधुनिकीकरण परियोजनाबारे जिल्लामा रहेका सरोकारवाला निकायलाई अभिमुखीकरण गरी कार्यालयले यस्तो कुरा जनाएको हो ।
 
कृषि विकास अधिकृत सुनिलकुमार सिंहको अध्यक्षता प्रमुख जिल्ला अधिकारी कृष्ण कुमार खड्काको प्रमुख आथित्यतामा आयोजित अभिमुखिकरणमा परियोजनाबारे बोल्दै कृषि विकास अधिकृत सिंहले जिल्लामा उत्पादीत बाली तथा फलफुलको सम्भाब्यता जिल्ला कृषि विकास कार्यालयले अध्ययन गरिसकेकाले भुगोल सुहाउदो कृषि उत्पादन प्रबर्धनका लागि यो परियोजनाले काम गर्ने बताउनु भएको छ ।
 
कार्यालयको सम्भाब्यता अध्ययन अनुसार जिल्लाका लालु मालकोट, रुप्सा, कुमालगाउँ, कोटवाडा, रकु, मेहलमुडी र मुम्रा मकै उत्पादनको राम्रो पकेट क्षेत्र भएकाले यसलाई यस परियोजना मार्फत जोन क्षेत्र निर्धारण गरी कार्यक्रम लागु गर्ने, फोइमहादेव, राचुली चिलखाया, छाप्रे, दाहा पाखा लगायतका क्षेत्रलाई स्याउ ब्लग क्षेत्र र पलाता क्षेत्रका नानिकोट, धौलागोह, खिन, थिर्पू र राम्नाकोटलाई फापर उत्पादनको जोन क्षेत्र निर्धारण गरी कार्यक्रम संचालन गर्ने कृषि अधिकृत सिंह ले बताउनु भएको छ ।
 
स्वीकृत परियोजना संचालनका लागि पहिलो चोटी जिल्लामा करिव १ करोड ९१ लाख बजेट समेत विनियोजन भैसकेकाले जिल्लामा सम्भावित स्याउ, सुन्तला, ओखर, मकै र फारप बाली उत्पादनलाई प्राथमिकतामा राख्ने परियोजनाको मुख्य उद्देश्य रहेको जिल्ला कृषि विकास कार्यालयले जनाएको छ ।
 
अभिमुखिकरणमा बोल्दै नेकपा माओवादी केन्द्रका जिल्ला अध्यक्ष दुर्ग बहादुर रावतले कृषि क्षेत्रको विकासका लागि सहि मिसन र भिजन तयार पारी लाग्ने ब्यक्ति तथा समुदायलाई प्रबर्धन गर्न आजको आवश्यकता रहेको बताउनु भएको छ । यस्तै सम्पूर्ण पत्रकारहरुको तर्फबाट बोल्दै पत्रकार महासंघका अध्यक्ष कालिबहादुर मल्लले कर्नालीको पहिचानका लागि कालिकोटमा रैथाने बालीको प्रवर्धन गर्नुपर्ने बताउनु भएको छ । यसका लागि सकरात्मक सोच र रचनात्मक सुझाव आजको आवश्यकता रहेको समेत बताउनु भयो ।